المليونير المتشرد
اسمعي لكلام بؤي
وبطلي تمشي تلؤي
دا كل واحد بيشوفك
يجي يباركلي علي حُقي
وخلي ارضك تتمايل
الحيل دا فيا ماهوش شايل
اتدحرجي واجري بسرعه
ماتخلنيش ليك اتحايل
د العجله من أدام فَسه
واشارتي حمره ولا حاسه
وماشي بيكي ومخالف
وانتي كمان عملالي خارصه
البطريه اهي نامت
والمكنه م الزيت صامت
والشكمنات فيكي يا بطه
علي حيلها وقفة واهي قامت
بتشمتي ليه فيا رصيف
وانا كنت عامل فيها نظيف
ليه بقي تخليني اركن
وتيجي ناس تديني رغيف
طب قولي ليه كده معاليكي
دا انا كل يوم بغسل فيكي
حتي الرفارف من ضينك
ولا الوساخه ما تعنيكي
حابه التراب كدا من فوقك
والولعه طالعه وحروقك
عن نفسي انا اصلا قرفان
امسك دركسيون او اسوقك
ليه بقي سايقه دلالك
ماتشوفي كام مدفوع مالك
دا الشكل باين من بره
حتي اسالي جوه عيالك
ياسر مهدي عمرو
