عا ايش جايي تا تعاتبني بقلم محمود شبيب

عا ايش جايي تا تعاتبني
وصار لك زمن بالهم سايبني
سهرتني وحدي طوال الليل
بعدك ضناني وعم يعذبني
ذقت الاسى في غيبتك والويل
ما عاد ايا لحن يطربني
بسهر انا تا يغيب نجم سهيل
وكثر السهر يا روح ذوبني
مرمرتني وهديت مني الحيل
وكثر الحزن والهم تعبني
بالحب دللتك انا تدليل
وطول الوقت انتا مسرسبني
يمكن لاني مش على الموديل
منشان هيكا عم تغلبني
وبعد البحث والفحص والتحليل
بكل شي صاير تكذبني
وان كان عندك عذر جاوبني
==== محمود شبيب ====