مديت ايديا بقلم فهمى محمود حجازى

مديت ايديا
مديت ايديا لحضن ايدك ارجعك
لقيت عينيكى غايبة عنى وقو لت اسمعك
احلا كلام كان من زمان بيفرحك
رديتى رد كانه قرباج بيقولى فين يوجعك
ساعتها نزلت دمعه فاكره كده هترجعك
صعبت عليا نفسى ولقتنى بودعك
وف لحظة ندهت صاحبة ليكى من بعيد جت تلحقك
قالت يا احلى صديقة د مش حبيبى وانا كنت دايما باخدعك
كان نفسى افرق ببينها وبينك
واوقعك
اتارى قلبك عندها وف قلبهاكان مخدعك
نزلت دموع غير الدموع فيها حنين طلبت بقوه ترجعك
مديت اديا ف حضن ايدك ارجعك
ولقتنى بعد مرار البعد بحضنك
وهمستى ليا بشوق وحب حبيبى
عمرى م اضيعك
بقلمى فهمى محمود حجازى