إحنا وعضلات وإبن نجاة بقلم طارق السيد

إحنا وعضلات وإبن نجاة
إحنا الشعب هنحكي حكاية
فى الوش مراية والقفا سلاية
ياسلام ياسلام سلم على طول
ضبعين الغابة حاميهم غول
صباعين بصاجات لابسين ماسكات
واحد إبن نجاة والتانى عضلات
مبدأ مش هدّى ومبدأ هات
دايما حاضرين كل الحفلات
وبسبب التورتة قامت خناقات
وتورتة مصر بلح آمهات
إبن نجاة.....هات التورتة إديني حتة
عضلات.....إستنى شوية أنا هاخد قبلك
قبلي إزاى أنا جيت هنا قبلك
إختشي عيب وانا جاي مقابلك
لو جيت للحق فى غيرنا أحق
قاصدك مين ياسي عبد الحق
ناس غلبانة جوه الخلاط
وانا مالي ياعم الناس طبقات
طب إديني حتة ما أنا إبن ذوات
إبن ذوات ولا إبن نجاة
إنت إتجننت تجيب سيرة أمي
أعملك إيه حرقتلي دمي
مانتش عارف أبقى أنا مين
عارفك طبعا بجح العين
ليلتك سودا وزى الطين
طب ورينى ياحلو يازين
الشعب......إستنى شوية بقى أنت وهو

 لسه النخوة فينا والقوة ياضباع الغابة

 ياضباع كدابة 

ياغراب البين 

مع بومة ندابة 

 هتشوفوا الويل وسواد الليل

 راح نكسر ناب وهنقطع ديل
ياتسيبوا تورتنا لناس طبقتنا

 يانيجى وناكلكوإنتوا وغولكو
بقلم طارق السيد