قصيده بعنوان..... أول وتانى
كلمه بحبك
لو هاقولها
مش كفايه
ولا هتوصف
شوقى ليكِ والحكايه
اللى عايشها
فى قربى ليكِ
م البدايه
يا اللى خطفتى قلبى
ليه ملوعاني
دا انا قبل منِك
كنت عايش
شخص تانى
محروم من الفرح
وماليش بعدِك أماني
وجيتي أنتِ
خلتيني أحس تانى
ولقيت أمل
أعيش عليه
ويا زمانى
معرفش ليه
الحلم بيموت
فى ثوانى
غاويه الحياه
تجرح قلوبنا
وأعيش من تانى
سنين ألم
دايما يادنيا
مكتوبالى
ولا شيئ يهون
صبرنا ومر الليالى
ولاكلمه حلوه تشدنا
لكل غالى
واللى عشقنا
قربنا منه فى ثوانى
نلقاه بيبعد عننا
و يا الليالى
ونعيش عذبنا وجرحنا
أول وتانى
كلمات الشاعر محمد ثروت عبدالحفيظ
