عمار يا مصر بقلم إندرو فرج

عمار يا مصر

دارت السواقي وسقت الأرض
البور
طغت المدنيه علي الكفور
حتي الأطفال أتعلمت تلف
وتدور
بعد لمبة الجاز النجوع وصلها
النور
دارت سواقيكي وخضرت البور

فاكر البت بهيه وقت الضهريه
وهي بتحضر غدا حسانين علي
البابور
أصله جاي من الغيط من ورا
الوابور
أتغدا وكسر القياله وشد الترحال
علي غيطه مسرور
أصل حسانين بجيرانه مسرور
شاب صغير بس يقعد مع ناس
كباره كلهم وقور
عم حنا وعم محمد وعم ميخائيل
وعم سرور
تحت شجره عتيقه وبقالها عصور
يشربوا مع بعض الشاي ويقعدوا
ينكتوا ويحطبوا من العصريه
للمغربيه لأخر خيط في النور
حرتوا الأرض الشراقي وزرعوا
البور
وبعد الضلمه ما ضلملت بهيه ولعت
اللمبه أم بربور
دخانها يطلي الحيطان ويسد الصدور
حسانين فرحان ببهيه وبيها فخور
علمت أولادها الرضا والأدب وطلعت
دكتور مشهور
ولما أتخرج جت في المدينه خدمته
رفض وخدم في الكفور
فرحوا بيه أهل البلد ولقبوه بإبن
الأصول
عجبت لك يا زمن ضاعت فيك الأصول
راحت فين القيم ماتت مع الدهور
البلطجي بقي بيه والحرامي بقي
مشهور
الأدب ساب الخلق وبقي محتاج نذور
وقفت السواقي وعم الأرض البور
مات حسنين وعم حنا وعم محمد وعم
وعم سرور
الساقيه القديمه أتهدت والشجره العتيقه
أتقلعت من الجذور
وأرضهم أتورثت وأتبنت مكانها قصور
وبقي البور مش بور الأرض دالبور
بور العقول
رغم التكنولوجيا وتطور العصور
الجهل عم العقول
كلمات إندرو فرج
{ عاشق نيلها }
11/8/2017