إيدك ف إيديا بقلم محمد ثروت عبدالحفيظ

قصيده...... بعنوان...... إيدك ف إيديا
هات إيدك ف إيديا
وأنا أشيلك جوه عنيا
مهما الأيام جرحتني
هتهون بكره عليا
حبك خلاني ياحبيبى
أعشق أيامى وسنيني
خدني فى حضنك خبيني
حسسني بحبك ليا
أنا وأنت طريق مشيناه
حبنا حلو يامحلاه
مهما الأيام هتخدنا
هنكمل برضه معاه
وأفرح وياك ياحبيبي
يامنايا وكل نصيبي
ويامالى الدنيا عليا
شوقنى فى حبك أكتر
وأدلع كده وأتمخطر
وإن يوم راح تبعد عنى
على بعدك أنا مش هأقدر
ياحبيبى وكل ماليا
محتاج منك حنيه
حس بأشواقى وحبى
حسسني بحبك ليا
عاشقك والقلب شاريك
ولاعمرى هأعيش غير بيك
يا اللى إنت هواك جنني
أرحم قلبى وطمني
دا غيابك صعب عليا