انا انسان بقلم المبدع محمد ثروت عبدالحفيظ

قصيده....بعنوان.....انا انسان
على كيفك يازمان
ع اللى انت عملته فيا
عايش كدا وبتألم
وياما شوفت آسيه
لامسحت يوم دمعى
ولا قدت يوم شمعى
ولا شوفت حد مكانى
يعيش دور الضحيه
وانا رغم حزنى وجرحى
حظهر لك حبى وفرحى
وارضى ب اللى اتكتب لى
ولا هأشكى غير لربى
هو اللى عالم بيا
ويا ناس انا انسان
عايش ف كل مكان
بعانى م الحرمان
وحروب كتير هدتنى
والغربه دمرتنى
وأيام مايعلم بيها
بتشيل وتحط فيا
عايش ف وسط غابه
عايش مع الديابه
وسنين بتنهش فيا
ياخلق حرام عليكوا
انا منكوا وبرده ليكوا
وتعبت من الآسيه
ليه دمى يسيل عشان
خلاف ما بينا كان
وب ايدكوا تظلمونى
عن بلدى تبعدونى
وترضوا اكون ضحيه

كلمات....الشاعر محمد ثروت عبدالحفيظ