والله انا قصدي شريف كلمات الشاعر ياسر مهدي عمرو

والله انا قصدي شريف
انا جاي كمان م الريف
وحليوه ودمي خفيف
بالحب يا واد تطمني

في الحب انا اصلي ضعيف
والقلب يعمه خريف
بس انا من جوه نظيف
بتمني ما تبعدي عني
بنت البندر يا حليوه
رن الخلخال عنيوه
اللحان غناها عليوه
خليكي معايا وغني
الكعب دا ماله جميل
كل العزال بتميل
وانا اصلي في حبي باخيل
ارجوك تيجي تعلمني
اتهز القلب معاكي
رقص واتغنى يا ملاكي
وقلوب الناس شرياكي
والهجر ما غيره قاتلني
اتمايلي عليا وميلي
يا نجوم ضيك اناديلي
انا شاري وحبي دليلي
مش عايز ليه تكلمني
بنت البدر يا شقيه
وحياتك ردي عليا
راح اجيب الشبكه بميه
بس اياك تيجي وتهديني
طب رد عليا انا وحدي
وبساهر بعدك وجدي
بتمني الليل ما يعدي
قبل اما اكمل ديني
ياسر مهدي عمرو