حكاية جندي
..........
قبل السفر
باس ايد ابوه
وامه على الجبين
قال بابتسامة
انا النهاردة
ماشى ومش حزين
جايز يجمعنا النصيب
ونلتقى او اننا
فى الجنة متواعدين
شال حلم اهله
حمل سﻻحه
على الكتاف
الشقيانين
وهناك على الجبهة
يدافع عن اراضى بﻻده
مرفوع الجبين
ميهزهوش اصوات رصاص
وﻻ يوجعوش
جرح الوحوش
اكبر وسام للنصر
باين على الجسد
زى الرتوش
يقف على حدود الوطن
يحضن ترابه
يزين بيه كل الوشوش
ويموت عزيز النفس
دمه على الجسد
زى جنة على الكفوف
#رانيا_المهدي
