قصيده بعنوان...... بكره هيجمعنا الميدان
الخيانه من زمان
لما التراب علينا هان
وحده وحده وكله بان
دخل اليهود ك الغربان
فرقونا وشتيتونا
من بيوتنا خرجونا
وب إعلامهم غيبونا
دمروا فينا العروبه
دمروا فينا الحنان
دمر أحرق هد كمان
أغسل عقولنا ب النسيان
بس الحقيقه مهما كان
إنك هتفضل دايما جبان
يا اللى أنت عايش ف الطغيان
وما لكشى فى أرضي مكان
الأقصى أبدا عمره ما هان
لو لحظه يصحى فينا ضميرنا
ونفوق من الجهل اللى أسرنا
يمكن فى يوم نعرف مصيرنا
وتقوم شراره فى المكان
ترجع المجد اللى كان
تمحي هموم وسنين حرمان
تكسر شيطان حرق الغيطان
غادر جبان منع الآذان
بس اللى باقى ف الوجدان
كلمة عروبه ف التوهان
زي الدهب مجد ولمعان
بس الضمير ف النسيان
لو تصحى فينا والله فى سماه
ما كان غرور ظالم عماه
خلانا نضعف قدام أذاه
وبقينا نبكى على اللى خان
زمن البطوله والفرسان
ونقول ياريت يرجع زمان
أيام ما كان حب الشهاده
من الولاده ف الوجدان
كانت حياه فيها أمان
عمر الوطن ما فيها هان
لملم جروح ك البركان
دا لكل نار لازم دخان
لجل الحقيقه ف يوم تبان
لازم نضحى كمان وكمان
طول م الضمير علطول غفلان
ولا يوم هيجى هنشوف أمان
والأقصى عربى مهما كان
وهيبقى عربى طول الزمان
يا اللى طمسته كل الحقايق
الحق راجع الحق غالب
وف يوم هيجمعنا الميدان
كلمات الشاعر محمد ثروت عبدالحفيظ
